7 sugatan sa road mishap

TAYABAS CITY, Quezon, Philippines – Pito-katao ang iniulat na nasugatan matapos na araruhin ng truck ang limang sasakyan at isang bahay sa gilid ng Maharlika Highway sa Barangay Isabang, Tayabas City, Quezon kamaka­lawa ng umaga. Kasalukuyang ginagamot sa Quezon Medical Center at Lucena United Doctors Hospital ang mga sugatang sina Rannie Casula, conductor ng  JAC Bus Liner; Elsie Apostol, Jennelyn Romero, Rhea Nellas, Elsa Arobillo, Rodrigo Cantalio at si Alex Aragon. Ayon kay PO2 Bayani Mercado, nawalan ng preno ang 10-wheeler truck (TEW 316) ni Roderick Polintan na patungong Kabikulan mula sa Bulacan kaya sinalpok ang apat na sasakyan kabilang ang motorsiklo. Matapos araruhin ang 4-sasakyan ay sinalpok naman ang bahay sa giild ng highway na pag-aari ni Reynante Nasalino at ang kasalubong na JAC Liner na minamaneho ni Edgar Padua.