2 most wanted arestado

BULACAN, Philippines – Dalawang most wanted ang naaresto matapos isagawa ang dragnet operation ng pulisya sa magkahiwalay na barangay sa San Jose Del Monte City, Bulacan kahapon. Kinilala ni P/Supt.Rodolfo Hernandez ang mga suspek na sina Jaypee Navales, 22, ng Barangay Bgong Buhay at Jovet Fegarido, 23, ng Brgy. Assumption, Sapang Palay. Ayon sa pulisya, sina Navales at Fegarido ay may nakabinbing kasong rape at murder sa sala ni Judge Belen Ringpis Liban ng Malolos City Regional Trial Court Branch 85 kung saan kapwa miyembro ng Bahala na Gang at True Brown Style. Base sa record ng pulisya, si Navales ay suspek sa panghahalay at pagpatay sa isang estudyanteng babae noong Oktubre 2010 habang si Fegarido naman ay sangkot sa pagpatay sa isang mister noong 2010.