Drayber ng bus naka-droga?

BAGUIO CITY, Philippines — Sinisi­lip ng mga awtoridad ang anggulong naka-droga ang drayber ng Eso-Nice bus na nahulog sa may 150 met­rong lalim na bangin kung saan aabot sa 42-katao ang nasawi noong Miyerkules ng umaga sa bahagi ng Naguil­lan Road sa Barangay Ba­nangan malapit sa hang­ganan ng mga bayan ng Tuba at Sablan, Benguet.

Ipinag-utos na rin ni Atty. Federico Mandapat, regional director ng Department of Transportation and Communication-Cordillera na isailalim sa drug test at driver re-examination ang lahat ng drayber ng na­bang­git na kompanya.

Opisyal naman sinus­pinde kahapon ng DOTC-Cordillera ng isang buwan ang prangkisa ng Eso-Nice habang isinasailalim sa road-worthiness examination ang lahat ng bus.

Base sa naunang ulat, nawalan ng preno ang bus (AYB 549) na may lulang 49 pasahero kabilang na ang driver na si Romeo Subang Jr. at conductor na si Patrick Flores pagsapit sa bahagi ng Barangay Banangan, Sab­lan. Kabilang sa mga nasawi ay sina Michael Frederick Quinio, Frederick Quinio, Rose Nicole Quinio, Rosa­men Carbante Quinio, pa­wang taga-Jackson Ville Florida (balikbayan); Arian Combis, Berio Almasen, Brenda Arsenio, Carlos Angeles, Carlota Anthony, Con­s­­tantino Casugay Jr. Con­suelo Marquez, Cristina Regacho, Enrique Hao Lim, Joey Combis Lobidad, Pab­lito Diones, Renato Limit, Roger Florida Pilor, Al­bert Anthony, Amethyst Calado, Francisco Sales, Gavino Pilay Gabin, Glen Lustica, Jessie Ramirez Jucar, Jun Dimalanta, Jun Laigo, Ka­ren Mae Piluden Calixto, Maricel Malena, Mar­lon Joson, Marlon Pa­leg Ta­nan, Myra Sherene A. San­tiago, Nida Ri­ca­mata, Oc­tavio Polon, Os­car Dumo, Pastora Virginia Dawey, Rex Arsit, Rose Batane Alang­deo, Sheila Marie Mangili­nan Estrada (fetus); at si Sheila Marie Mangi­linan Estrada (pregnant). Sugatan na­man sina Darwin Lomboy, Arnel Pa­ras, Desiree Jucar, John Ray Jucar, Jay An­gelo Gundran, Jerome Val­dez, John Patric Flores, con­ductor; Juan Gray­gutcha, Ro­meo Subang, drayber, ng Badihoy, Ba­guio City.