Principal itinumba

MANILA, Philippines - Napaslang ang isang principal ng Isabelo Calma Elemen­tary School makaraang pagbabarilin ng nag-iisang lalaki sa panulukan ang Mabini at Bataan Street sa harapan ng Naka­yama Convention Center sa Digos City, Davao del Sur kahapon ng umaga. Napuruhan sa dibdib si Arielito Margate ng Brgy. Calasiao sa bayan ng Kiblawan. Sa ulat ni P/Senior Supt. Roland de la Rosa, dadalo sana ang biktima sa pagtitipon sa nabanggit na convention nang lapitan at ratratin.