Imbestigador sa inutas na forest ranger itinumba

BAYOMBONG, Nueva Vizcaya, Philippines — Isang pulis na si­na­sabing nag-iimbestiga sa kaso ng pamamaslang sa isang forest ranger ang pi­nagbabaril at napa­tay ng mga ‘di-pa kilalang lalaki sa bisinidad ng Ba­rangay Carig Sur sa Tu­guegarao City, Ca­gayan ka­hapon ng umaga.

Kinilala ang nasawing na si PO3 Reynante Ag­culao, nakatalaga sa him­pilan ng pulisya sa bayan ng Luna, Apayao.

Si Agculao na lulan ng mo­torsiklo patungo sana sa korte nang dikitan at pagba­barilin ng dalawang lalaki na lulan din ng mo­torsiklo, ayon kay P/Senior Supt. Mao Aplasca, provincial police director ng Cagayan.

Idineklarang patay sa Cagayan Valley Medical Center ang biktima mata­pos mapu­ruhan sa likuran at dibdib.

Lumilitaw na si P03 Ag­culao ay isa sa nag-iim­bestiga sa kaso ng forest ranger na si Kennedy Eber Bayani, na pinagbabaril at napatay noong July 7 sa bayan ng Luna, Apayao.