Rookie cop inutas ng maton

MANILA, Philippines - Kamatayan ang suma­lubong sa isang bagitong pulis na sinasabing rumes­ponde sa kaguluhan maka­raang pagsasaksakin ng isa sa mga maton na nang­gu­gulo sa bisinidad ng Ba­ran­gay Mansilingan, Baco­lod City, Negros Occidental kamakalawa.

Walong saksak sa iba’t ibang bahagi ng katawan. Ang tumapos sa buhay ni PO1 Engelbert Gaudanan ng presinto 7 kung saan na­isugod na ito sa Bacolod Ad­ventist Medical Center.

Lumilitaw na rumes­ponde ang mga operatiba ng presinto 7 kabilang na ang biktima kaugnay sa kagulu­han sa kahabaan ng Jaime Street, sa Brgy. Mansilingan na kagagawan ng grupo ng suspek na si Gilbert Ba­tayula.

Gayon pa man, habang inaaresto ang mga suspek, ay kinuyog si PO1 Gaudana kung saan pilit inaagawan ng baril saka pinagsa­saksak.

Nagawa pa ring ma­i­putok ni Gaudana ang kani­yang baril kung saan tina­maan si Batayula at nga­yon ay nasa Corazon Loc­sin Mon­telibano Memorial Hospital. Kalaboso naman ang dalawang kasamahan ni Batayula na sina Rafael Hipti at Ryan Juano.