Pulis utas sa engkuwentro

KIDAPAWAN CITY, Philippines - Napaaga ang kamatayan ng isang pulis ng 1508th Mobile Group ng Maguindanao habang isa pa ang sugatan makaraang makasagupa ang grupo ng mga armadong kalalakihan sa loob mismo ng kampo sa bayan ng Shariff Aguak, Maguindanao, kamakalawa ng gabi.Tumanggi muna si P/Supt. Alex Lenises, na kila­lanin ang napaslang na pulis dahil ‘di pa naabisuhan ang pamilya nito. Samantala, sugatan naman si PO1 Mohaymen Ali Muhammed. Base sa ulat, nagpapatrolya ang mga tauhan ng 1508th PNP Mobile Group sa loob mismo ng kanilang detachment sa may Warehouse 1 sa Barangay Bagong nang makasagupa ang armadong grupo. ‘Di pa matiyak ni P/Supt. Lineses ang pagkakakilanlan ng grupo na nakapasok sa kanilang kampo. Malu Manar