Tsinoy nanlaban sa holdaper, todas
MANILA, Philippines - Patay ang negosyanteng Tsinoy matapos na manlaban sa mga umano’y notoryus na miyembro ng robbery/holdap gang sa Arena Blanco, Zamboanga City kahapon ng umaga.
Ang biktima ay kinilala ni AFP-Western Mindanao Command (AFP-Westmincom ) Spokesman Major David Hontiveros si Kenny Ng Hao, distributor ng Maryline Convenience Store.
Sa ulat ang insidente ay naganap dakong alas- 11:15 ng umaga kung saan bigla na lang pumasok ang mga ’di kilalang suspek at tutukan ng baril ang biktima, ngunit walang takot itong pumalag kaya agad na pinagbabaril ng mga suspek.
Agad naman na tumakas ang mga suspek matapos ang insidente. Sa ngayon ay iniimbestigahan ng mga otoridad ang kaso at posibleng pagdukot din sa biktima ang isa sa motibo ng mga suspek. (Joy Cantos)
- Latest
- Trending