10 MILF pinabulagta

MANILA, Philippines – Umaabot sa sampung re­beldeng Moro Islamic Liberation Front (MILF) renegades, ang iniulat na na­ paslang ha­bang 20 iba pa ang nasu­ga­tan makaraang sumiklab ang panibagong sagupaan sa pagitan ng militar at ng mga rebelde sa kagubatang sa­kop ng Brgy. Kateman, sa ba­yan ng Ta­layan, Maguin­da­nao noong Biyernes.

Ayon kay Armys’ 6th Infantry Division spokesman Lt. Col. Jonathan Ponce, naka­ sa­gupa muli ng Army’s 601st Infantry Brigade sa pamumu­no ni Col. Medardo Geslani, ang mga rebeldeng MILF renegades kung saan tuma­gal ng 2-oras bago nagpula­san ang grupo ng 105th Base Command na pinamunuan ni Kumander Ameril Umbra Kato bitbit ang mga sugatang kasamahang rebelde.

Bandang alas-5:45 ng hapon nang makasagupa ng tropa ni Geslani ang isa pang grupo ng MILF renegades sa liblib na bahagi ng Brgy. Ahan, sa bayan ng Guin­du­lungan, Maguindanao na tu­magal naman ng isang oras.

Natagpuan sa encounter site ang sampung bangkay ng rebeldeng MILF matapos ang air-ground strikes ha­bang wala namang naiulat na nasugatan sa panig ng mili­tar, ayon pa kay Ponce.

Si Commander Kato ay may patong sa ulo na P10 mil­yon kaugnay ng madu­gong pag-atake sa pitong bayan sa North Cotabato noong Agosto 2008. - Joy Cantos