Trader na may kasong rape dinukot

ILOILO CITY, Philippines — Isang negosyante na pinanini­walaang may kasong rape ang iniulat na dinukot ng mga ’di-pa kilalang kalala­ki­han noong Huwebes ng gabi sa kahabaan ng highway sa Barangay Odiong sa bayan ng Sibalom, Antique, Iloilo. Ayon sa pulis­ya, nanatili naman ‘di-naki­kipag-ugna­yan ang mga kidnaper sa pa­milya ng bik­timang si James Ardaña.

Base sa police report, lumilitaw na papauwi na ang biktima kasama ang kan­yang utol na si June nang hi­narang ng mga armadong kalalakihan ang kanilang sasakyan.

Napag-alamang isina­kay ng mga kidnaper ang biktima sa motorsiklo saka iniwan sa gilid ng kalsada ang utol nitong si June na iginapos.

Nagkataon naman du­maan ang isang mediaman at namataan ang utol ng bik­tima kaya naipagbigay-alam sa mga kinauukulan ang insidente.

Sa ulat ng regional police director na si P/Chief Supt. Isagani Cuevas, na may mga impormasyon na ang kanyang mga tauhan sa gru­po subalit wala pang hini­hinging ransom para sa kala­yaan ng biktima.

Sinisilip ng mga awtori­dad ang anggulong personal na alitan subalit wa­lang kina­laman sa insi­dente ang kidnap-for-ransom group.

Masusi ring sinisilip ng pulisya ang anggulong kidnap me scenario dahil sa ang bik­tima ay nahaharap sa kasong rape.

Sa pahayag ni Cuevas, na may mga idea na sila kung saan itinago ang bik­tima su­balit pansaman­talang hindi isi­niwalat para ‘di- mabulabog ang follow-up operation. Ronilo Ladrido Pamonag