Misis inutas ng adik na mister

Binaril at napatay ang isang 49-anyos na misis  ng kanyang mister na adik sa droga sa harapan mismo ng mga anak ha­bang naghahapunan sa loob ng kanilang tahanan sa Cadiz City, Negros Occidental kamakalawa. Napuruhan sa ulo ng bala ng baril ang biktimang si Elizabeth Cardinal, habang su­muko naman sa pulisya ang suspek na si Ricky Cardinal na kapwa naninirahan sa Barangay Andres Bonifacio, Cadiz City. Sa ulat ng pulisya na nakarating sa Camp Crame, naga­nap ang pamamaril sa loob ng tahanan ng pamilya sa Hacienda­ Unson dakong alas-7 ng gabi. Nabatid na nagha­hapunan ang pamilya nang biglang papu­tukan ng suspek na sinasabing lango sa bawal na gamot ang kanyang misis. Joy Cantos