Suspek sa holdap dinedo

CAVITE – Namatay ang isang suspek sa holdap maka­raang mang-agaw ng baril ng pulis sa Barangay Longos sa bayan ng Bacoor, Cavite, kamakalawa ng gabi.

Kinilala ng pulisya ang napatay na si Crisanto “Nognog” Paraiso ng Barangay Talaba 6 ng bayang nabanggit.

Sa ulat ni P/Supt Mario Reyes, lumilitaw na sakay ng mobile car sina P/Senior Insp. Ronald Estilles Jr., PO1 Bobby Vertudez at PO1 Buenavista Rustom nang mamataan si Paraiso at dalawang iba na hinoholdap ang isang ‘di-pa kilalang lalaki.

Kaagad naman naaresto si Paraiso habang nakatakas ang dalawang kasama. Habang isinasakay sa mobile car si Paraiso ay tinangkang agawin nito ang baril ni PO1 Vertudez kaya napilitang barilin ni P/Insp. Estilles. (Cristina Timbang)