Gasolinahan hinoldap, 2 utas

CEBU – Dalawang gasoline boy ang iniulat na napaslang maka­raang holdapin ng mga ‘di-pa kilalang kalala­kihan ang gasolinahan sa Sitio Looc, Barangay Poblacion sa bayan ng Liloan, Cebu kahapon ng madaling-araw.

Kinilala ng hepe ng Liloan PNP na si P/Senor Insp. Ramon Ortiz, ang mga biktimang sina Junnie Arnicaso,16, ng Mandaue City at Erwin Pacatan, 19, ng Batuan, Bohol, kapwa stay-in worker sa RKS Flying V Gas Station na pag-aari ni Roland Sanoria ng Riverside, Mandaue City.

Naisugod naman sa Vicente Sotto Memorial Medical Center ang su­gatang sekyu na si John­rey Tison ng Sitio Sam­bag, Barangay San Vi­cente, Liloan na si­nak­sak sa tiyan at pi­nalo sa ulo ng mga hol­daper.

Tinatayang aabot sa P.2 milyon mula sa wi­nasak na metal vault ang natangay ng mga holda­per

Ayon kay SPO1 Dennis Malinao, hawak naman nila ang isa pang pumpboy na si Jose Kelly Quinson, na pina­niniwa­laang ka­sang­kot ng mga hol­daper dahil sa hindi magkakatug­mang sa­lay­say at natuk­lasang may bahid ng dugo ang damit nito.

Nagduda ang pulis­ya na posibleng inside job ang insidente at nagka-onsehan kaya’t nagka­gulo at nagpa­tayan dahil sarado na ang gaso­li­na­han. Edwin Ian Melecio