Misis ng mayor niratrat sa canvassing

CAMP CRAME —  Nasa malubhang kalagayan nga­yon ang asawa ni Tineg, Abra Mayor Edwin Crisologo maka­raang ratratin ng di-kilalang lalaki habang nag­mo-monitor sa canvassing sa isang eskwelahan sa Ben­gued, Abra kahapon ng tanghali.

Ayon kay P/Supt. Joseph Adnol, spokesperson ng Cordillera Region Police, kasa­lukuyang nasa intensive care unit (ICU) sa Abra Provincial Hospital, ang bikti­mang si Brenda Crisologo matapos na magtamo ng tatlong tama ng bala ng baril.

Samantala, napatay na­man ang di-kilalang lalaki matapos na magtangkang makipagbarilan sa mga ru­mespondeng pulis. 

Naitala ang insidente da­kong alas-12:30 ng tanghali habang nagmo-monitor ng canvassing ang mag-asa­wang Crisologo sa ikaapat na palapag ng Holy Spirit School sa Bengued.

Ayon naman kay P/Supt. Raul Gonzales, hepe ng Cordillera Administrative Region (CAR), na maaring pulitika ang isa sa motibo ng nasa­bing pa­mamaril. Isa sa pina­ka­ma­higpit na kalaban ni Cri­sologo sa ma­yoralty race ay si Lenini Ben­waren. Edwin Balasa