Mister tinodas sa harap ni misis

NUEVA ECIJA — Binaril at napatay ang isang 55-anyos na mister sa harap mismo ng kanyang misis ng senglot na lalaki makaraang tumanggi ang biktima sa inaalok na sanglang baril ng kanyang kaibigan sa Barangay San Antonio West sa bayan ng Lupao, Nueva Ecija, kamakalawa ng umaga.

Napuruhan ng bala ng baril sa dibdib ang biktimang si Artemio Ordas y Punzalan, habang tugis naman ng pulisya ang nakapatay na suspek na si Jose Miner y Olivete, 61, may-asawa, ng Barangay North ng bayang nabanggit

Sa imbestigasyon, magkasamang nag-iinuman ng alak ang dalawa nang ialok ng suspek ang kanyang baril na maisangla, subalit tumanggi ang biktima. Dito nagalit ang suspek at binaril ang biktima habang nakamasid ang kanyang misis. (Christian Ryan Sta. Ana)