Nakilala ang biktima na agad na naisugod sa Masbate Provincial Hospital na si Yanle Amaro, 33, may-asawa, kapitan ng Barangay Baao, ng naturang bayan.
Pinaghahanap naman ng mga awtoridad ang mga suspek na kinilalang sina Jay Ramones, Ramon Ramones, Steven Ramones, Levi Ramones, Heli Ramones at Dong Montilla, pawang mga residente ng nasabi ring barangay.
Batay sa ulat ng pulisya, dakong alas-10 ng gabi habang ang biktima ay naglalakad papauwi sa kanilang lugar nang tambangan ng mga suspek.
Ang biktima ay galing sa isang pagpupulong at nang papauwi na sa kanyang tirahan ay inabangan ng mga suspek na armado ng kalibre 357 at saka pinagbabaril.
Matapos ang pamamaril, agad na nagsitakas ang mga suspek.
Sa imbestigasyon, lumalabas na may matagal nang galit ang mga suspek na nag-ugat diumano sa isang usapin sa kanilang barangay na kinasasangkutan ng mga suspek. (Ed Casulla)