Globe cell site sinunog ng NPA
October 10, 2005 | 12:00am
Camp Melchor Dela Cruz, Upi, Gamu Isabela Umaabot sa P12 million halaga ang napinsala matapos sunugin ng mga hinihinalang myembro ng New Peoples Army (NPA) kamakalawa ang isa na namang cell site ng Globe Telecoms sa Brgy. Aguib, Piat sa lalawigan ng Cagayan.
Ayon sa Spokesman ng Armys 5th Infantry Division (ID), naganap ang nasabing pagsunog ng mga miyembro ng NPA na kinabibilangan ng dalawang amasona sa ilalim ng Section Committee Northern Front ng Cagayan Valley sa nasabing cell site dakong alas -9 ng gabi.
Napag-alaman na walang nagawa si Arvin Pagunuran, ang nag-iisang guwardiya ng cell site sa dami ng bilang ng mga NPA na dumis-arma sa kanya matapos kunin ang kanyang cal. 38 service firearms.
Inutusan umano ng mga rebelde si Pagunuran na buksan ang cabin ng cell site subalit dahil sa wala sa kanya ang susi ay binutasan na lamang ng mga NPA ang pintuan at dito binuhusan ng gasolina ang lugar kung saan nasunog ang tinatayang umaabot sa 12 milyon halaga ng kagamitan ng Globe.
Sa ulat ng militar, lumalabas na ito na ang pangalawang cell site na sinunog sa Cagayan Valley, ang nauna noong Abril 2002 sa Gattaran Cagayan, habang ika-17 naman sa buong bansa.
Pinaniniwalaan namang ang kabiguan ng may-ari ng Globe Telecoms na magbayad ng revolutionary tax sa grupo ng mga rebelde ang motibo ng panununog.
Nagsasagawa na ng hot pursuit operations ang mga operatiba ng militar laban sa grupo ng mga rebelde na responsable sa karahasan. (Victor Martin)
Ayon sa Spokesman ng Armys 5th Infantry Division (ID), naganap ang nasabing pagsunog ng mga miyembro ng NPA na kinabibilangan ng dalawang amasona sa ilalim ng Section Committee Northern Front ng Cagayan Valley sa nasabing cell site dakong alas -9 ng gabi.
Napag-alaman na walang nagawa si Arvin Pagunuran, ang nag-iisang guwardiya ng cell site sa dami ng bilang ng mga NPA na dumis-arma sa kanya matapos kunin ang kanyang cal. 38 service firearms.
Inutusan umano ng mga rebelde si Pagunuran na buksan ang cabin ng cell site subalit dahil sa wala sa kanya ang susi ay binutasan na lamang ng mga NPA ang pintuan at dito binuhusan ng gasolina ang lugar kung saan nasunog ang tinatayang umaabot sa 12 milyon halaga ng kagamitan ng Globe.
Sa ulat ng militar, lumalabas na ito na ang pangalawang cell site na sinunog sa Cagayan Valley, ang nauna noong Abril 2002 sa Gattaran Cagayan, habang ika-17 naman sa buong bansa.
Pinaniniwalaan namang ang kabiguan ng may-ari ng Globe Telecoms na magbayad ng revolutionary tax sa grupo ng mga rebelde ang motibo ng panununog.
Nagsasagawa na ng hot pursuit operations ang mga operatiba ng militar laban sa grupo ng mga rebelde na responsable sa karahasan. (Victor Martin)
BrandSpace Articles
<
>
- Latest
- Trending
Trending
Latest
Trending
Latest
Recommended