Kolektor ng NPA rebs timbog

CAMP SIMEON OLA, Legazpi City — Dinakip ng mga awtoridad matapos maaktuhang nangongolekta ng revolutionary tax sa mga negosyante ang isang kasapi ng makakaliwang kilusan sa Zone 2, Barangay Ilawod, Bulan, Sorsogon kamakalawa.

Kasalukuyang naghihimas ng rehas na bakal ang suspek na si Recto Floresca, 37, ng Barangay Salog, Sorsogon City. Sa record ng pulisya, ang suspek ay may nakabinbing dalawang warrant of arrest sa Sorsogon City at isa sa kolektor ng NPA rebels ng buwis sa mga guro, negosyante at drayber sa naturang bayan. (Ulat ni Ed Casulla)