Binata binoga nang utol ng kaaway

Camp Pantaleon Garcia, Cavite – Binurdahan ng saksak at napatay ang isang 30 anyos na binata ng kapatid ng nakaaway nito matapos na sugurin ang kaniyang tahanan sa Brgy. Memije, Gen. Mariano Alvarez kamakalawa ng gabi.

Kinilala ng pulisya ang biktima na si Joseph Yuson, 30, ng Block 7, Lot 13, Brgy. Memije ng nasabing bayan.

Pinaghahanap naman ang suspek na kinilalang si Jojo Manansala, nasa hustong gulang matapos itong mabilis na tumakas bitbit ang patalim na ginamit sa pamamaslang.

Sa isinagawang imbestigasyon ni PO1 Richard Fermil, may hawak ng kaso, naganap ang insidente dakong alas-9:20 ng gabi sa loob ng tahanan ng biktima.

Nabatid na bigla na lamang sumugod ang suspek sa lugar at pinagsasaksak ang biktima.

Lumilitaw sa pagsisiyasat na niresbakan ng suspek ang biktima matapos nitong makaaway ang kapatid ng huli.

Naglunsad na ng manhunt operation ang pulisya laban sa salarin na nakatakdang sampahan ng kasong murder. (Ulat ni Cristina G. Timbang)