Binata dinedo sa bilyaran

CAVITE – May posibilidad na matinding galit ang umiral kaya pinagtulungang saksakin hanggang sa mapatay ang isang 22-anyos na binata ng dalawang lalaki habang ang biktima ay nagbibilyar sa Barangay Pulido, General Mariano Alvarez, Cavite kamakalawa ng gabi.

Duguang iniwan ang biktimang si Ronnie Gutierrez ng Barangay E. Malla, GMA, samantala, agad namang inaresto ang mga suspek na sina Rolando Miranda, 29 at Ryan Raro na kapwa residente ng nabanggit na barangay.

Base sa ulat ng pulisya, natiyempuhan ng dalawang suspek, ang biktima na nagbibilyar saka isinagawa ang krimen dakong alas-10:30 ng gabi. (Ulat ni Cristina G. Timbang)