Adik sinunog ang sariling bahay

TACLOBAN CITY – Isang 38-anyos na lalaki na pinaniniwalaang lango sa ipinagbabawal na gamot ang napagtripang sunugin ang sariling bahay sa Brgy. Poblacion 1, Pambujan, Northern Samar, kamakalawa.

Ang adik na suspek na ngayon ay nakapiit sa detention cell ay kinilalang si Edgar Nuevo Ecija, may asawa ng nabanggit na lugar.

Napag-alaman sa ulat ng pulisya na kararating lamang ng suspek mula sa Metro Manila at sa hindi nabatid na dahilan ay napagtripang sunugin ang kanilang bahay at ari-arian na umaabot sa halagang P150,000. (Ulat ni Melchor Caspe)