VP Sara impeachment trial, simula na

House prosecution panel vs defense team magtutuos

MANILA, Philippines — Simula na ang pagtutuos sa pagitan ng House prosecution panel at ng defense team ni Vice President Sara Duterte sa pagsisimula ngayong araw ng Senate impeachment court.

Ito ang inihayag nina House trial Spokespersons Robert Ace Barbers, Reps. Renee Louise Co (Kabataan Partylist) at Zia Alonto Adiong (Lanao del Sur).

Isinalarawan ni Barbers ang Linggong ito bilang “Linggo ng Ebidensya“ sa pormal na pagtutuos ng prosecution at defense panel.

“Hayaan nating ang katotohanan ay manggaling sa ebidensya, hindi sa propaganda. Hayaan nating ang batas ang manaig, hindi ang ingay ng pulitika,” saad ni Barbers, dating kinatawan ng Surigao del Norte.

Ayon kay Barbers, ngayong araw ay makikinig ang bayan, hindi na ito tsismis at ebidensya na habang iginiit ding tungkulin ng prosecution panel na iharap ang ebidensya sa Senate impeachment court.

Sinabi ni Co, House Assistant Minority Leader na ang papel ng prosekusyon ay iprisinta ang ebidensya sa Senate impeachment court alinsunod sa konstitusyonal na proseso

Ibinahagi naman ni Adiong na nakapokus ang prosecution panel sa konstitusyonal nitong tungkulin at nakatuon ang paghahanda sa ebidensya,testigo at proseso.