Bohol mayor inutas sa sabungan
MANILA, Philippines — Hindi na umabot ng buhay sa ospital ang isang mayor matapos na ito ay pagbabarilin sa labas ng kanyang sabungan kahapon ng hapon sa bayan ng Clarin.
Ang biktima na nasawi dahil sa mga tama ng bala sa ulo ay kinilalang si Buenavista, Bohol Mayor Ronald Tirol.
Batay sa ulat, dakong alas-3:00 ng hapon ay sinamantala ng dalawang gunmen na sakay ng motorsiklo ang paglabas ng mayor sa kanyang sabungan na walang kasamang mga bodyguard na noon ay nasa loob at may ginagawa.
Lumapit ang dalawang gunmen at walang kaabug-abog na malapitang barilin ito sa ulo.
Nang masigurong nadale ang biktima ay mabilis na tumakas ang mga suspek sakay ng hindi naplakahang motorsiklo.
Ayon kay C/Insp.Rolly Lauron, hepe ng Clarin police station na noong nakalipas na taon ay pinagtangkaan na rin patayin ang biktima ng mga hindi pa kilalang suspek, subalit nakaligtas ito.
- Latest
