3 motor inararo ng trak: 4 todas
Ang tumaob na 10 wheeler truck na unang nakasalpok sa tatlong motorsiklo na nakasalubong na ikinasawi ng apat na sakay nito kahapon ng umaga sa Brgy.Malasila, Makilala, North Cotabato.
MANILA, Philippines — Namatay noon din ang apat katao na sakay ng tatlong motorsiklo matapos na sila ay araruhin ng isang 10-wheeler truck kahapon ng umaga sa Sitio Patulangon, Brgy. Malasila, Makilala, North Cotabato.
Ang mga nasawi ay kinilalang sina Edgar Hersi Pajal, 44, magsasaka, may-asawa, ng Purok San Isidro, Brgy. Sto. Niño; Juanito Quinco Duhilag, 37, may-asawa, ng Brgy. Sta. Fe; Viverlen Bama Aguanan, 16, ng Brgy. Luayon, at Stephen Camblon Paredes, 33, ng Sitio San Nicolas, Brgy.San Vicente, Makilala.
Batay sa ulat, bago nangyari ang trahedya pasado alas-10:00 ng umaga ay galing sa Davao City ang 10 wheeler truck na may mga kargang semento at papuntang Cotabato City nang ito ay mawalan umano ng preno pagdating sa lugar.
Dito ay unang nasalpok ng trak ang dalawang motorsiklo na kasalubong at pagkahulog sa kabilang bahagi ng kalsada ay nasalpok ang isa pang motorsiklo na kung saan nasawi noon din ang rider at kanilang backrider.Tumakas ang driver ng trak.
- Latest
