Oral hearing sa Philippines-China maritime dispute case itinakda
MANILA, Philippines - Itinakda na ang “oral hearing” sa merits ng Philippines-China arbitration case sa Nobyembre 24-30, 2015 sa The Hague, Netherlands.
Ito ang inianunsyo kahapon ng Department of Foreign Affairs (DFA) kasunod sa ruling ng international tribunal na nagsasabing mayroon silang hurisdiksyon na dinggin ang nasabing kaso.
“The Oral Hearing on the merits of the Philippines-China arbitration case under Annex VII of the United Nations Convention on the Law of the Sea (UNCLOS) will be held from 24 November to 30 November 2015 at The Hague, the Netherlands,” ayon sa statement ng DFA kahapon.
Magugunita na noong Oktubre 29, nagpalabas ng desisyon ang panel ng Arbitral Tribunal na mayroon silang hurisdiksyon sa territorial dispute case na inihain ng Pilipinas laban sa China at maaari silang magsagawa ng mga pagdinig sa kaso sa ilalim ng mga isinasaad sa UNCLOS.
- Latest
