8-anyos ni-rape/slay

MANILA, Philippines – Patay na nang matagpuan ang isang 8-anyos na batang babae na hindi nakauwi ng bahay mula sa pinapasukang paaralan sa Brgy.Cannery Site, Polomolok, South Cotabato.

Ang biktima ay kinilalang si Shanen Talones, grade 3 student sa Polomolok Central Elementary School at residente ng Barangay Cannery Site, Polomolok, South Cotabato.

Nabatid na basag ang ulo ng biktima at hubo’t hubad nang ito ay matagpuan sa isang bakanteng lote na nasa likod ng isang restaurant sa Bayan Subdivision.

Narekober sa lugar ang bag ng bata na may lamang mga gamit sa eskwela na huling nakitang buhay na pumasok ang bata noong Biyernes ng umaga, subalit hindi agad ito nakauwi kaya’t hinanap ito ng tiyuhin.