Sekyu dedbol sa pagbili ng alak
MANILA, Philippines - Namatay noon din ang isang security guard nang ito ay mabundol ng isang pampasaherong jeep habang tumatawid para bumili ng alak kamakalawa sa kahabaan ng Quirino Highway, Quezon City.
Ang nasawi ay kinilalang si Glenn Abiles, 32, may-asawa ng 4091 Gumamela St., Vanguard Area D, Camarin, Caloocan City.
Nasa kustodiya ng pulisya ang jeepney driver na si Archie Enanoria, 29, binata ng Block 272, Lot 10, Area D, Sta. Cruz 1, Sapang Palay, San Juan Del Monte, Bulacan.
Sa ulat, dakong alas-11:00 ng gabi ay mabilis na minamaneho ng suspek ang kanyang jeep (PLC-582) at tinatahak ang kahabaan ng Quirino Highway dahil sa ito umano ay nakikipagkarera sa isang jeep.
Pagsapit sa harap ng Route KM 21 Bar, Brgy. Pasong Putik, Nova ay nabundol nito ang biktima na tumatawid para bumili ng alak.
- Latest
