Milyon halaga ng deodorant tinangay ng mga ‘Pulis’

MANILA, Philippines - Nakasuot ang apat sa anim na lalaki ng PNP uniform nang harangin at i-hijack ang isang 10 wheeler truck na naglalaman ng mga produkto ng Unilver Philippines kamakalawa sa kanto ng Ramon Magsaysay Boulevard at V. Mapa St., Sta. Mesa, Maynila.

Sa ulat, dakong alas-8:00 ng gabi nang harangin ng anim na kalalakihan na ang apat ay nakasuot ng PNP patrol uniforms  at  sakay ng Toyota Avanza na kulay puti (TVB-847) ang 10-wheeler truck na kargado ng Rexona product na tinatayang aabot sa milyong piso.

Ipinosas ang driver na si Marvin Orcojada, 28 at pahinanteng si Joey Pacao, 30 at pinasakay sa Avanza  kasama ang tatlong suspek habang ang tatlo naman ay kinumander ang truck.

Nang sumapit sa Sta. Cruz, Bulacan ay pinababa ang dalawa at tuluyang tinangay ang truck.