P-Noy hindi bababa sa puwesto
MANILA, Philippines – Sa kabila ng mga panawagan ng ilang lider ng Simbahang Katoliko na dapat nang bumaba sa puwesto si Pangulong Benigno Aquino III ay hindi ito mangyayari.
Sinabi ni PCOO Sec. Herminio Coloma Jr., iginagalang nila ang mga saloobin ng mamamayan dahil nasa isang demokrasyang bansa kahit na taliwas ito sa posisyon ng gobyerno.
Ayon pa kay Coloma, naninindigan ang Pangulong Aquino hinggil sa pagtupad ng kanyang sinumpaang tungkulin hanggang matapos ang kanyang panunungkulan.
Magugunita na kabilang si Cebu Archbishop emeritus Ricardo Cardinal Vidal sa nanawagan kay Pangulong Aquino na bumaba sa puwesto.
Nagpulong ang National Transformation Council kung saan ay nanawagan sila kay P-Noy na magbitiw matapos ang kontrobersiya sa Mamasapano encounter na ikinasawi ng 44 miyembro ng Special Action Force (SAF).
Kabilang sa nanawagan nang pagbibitiw ni P-Noy ay sina Cebu Archbishop Jose Palma, Zamboanga Archbishop Romulo dela Cruz, Lipa Archbishop Ramon Arguelles, Bayombong (Nueva Vizcaya) Archbishop Ramon Villena, Davao Archbishop Emeritus Fernando Capalla, Naval (Biliran) Bishop Felomino Bactol.
- Latest
