Solon sugatan, 4 Bodyguard todas sa ambush
MANILA, Philippines - Sugatan si Iligan Lone District Representative Vicente “Varf” Belmonte, Jr. matapos tambangan ang kanyang convoy sa Laguindingan, Misamis Oriental kahapon.
Batay sa ulat, ala-1:30 ng hapon nang dumating ang mga biktima sa Laguindingan Airport galing sa Maynila at bago pa man makarating sa national highway ay tinambangan na sila ng isang van at pinagbabaril.
Patay sa ambush ang driver ni Belmonte, Jr. at isa pang nagmamaneho ng backup vehicle maging ang dalawang police bodyguards.
Ayon kay Atty. Rejoice Subejano, abogado at staff ng Kongresista na kasama nito ng maganap ang insidente, masuwerteng sugat lang sa kamay ang tinamo ni Belmonte sa naganap na pananambang na kaagad naman nilapatan na ng lunas sa Laguindingan Hospital.
Sinabi ng mambabatas na dati na siyang nakatatanggap ng banta sa buhay at posibleng pulitika rin ang motibo sa pananambang.
- Latest
