Negosyante nag-dive sa condo, todas
MANILA, Philippines - Todas ang isang negosyante makaraang aksidente umanong mag-dive sa fire exit ng kanyang tinutuluÂyang condominium sa Quezon City, kahapon ng umaga.
Kinilala ni PO2 Julius Balbuena, may-hawak ng kaso ang biktima na si Edwin Pichay, 50, may-asawa, nakatira sa Future Plaza II Condominium na makikita sa #115 Mother Ignacia St., Brgy. South Triangle sa lungsod.
Si Pichay ay natagpuan ng mga awtoridad na wala ng buhay na nakahandusay sa simento sa baba ng kanyang tinutuluyang condo.
Bago nakitang wala ng buhay ang biktima ay inireklamo ito ng isang bebot na nakilalang si Honnecel Pangusan dahil sa umano’y ginawa nitong pananakit.
Ayon sa report, nagpunta sa condo unit ng biktima ang mga pulis na sina PO2 Ladgerio Camacam, PO1 Michael Formento, at Julius Dela Cruz para kuwestiyunin hinggil sa reklamo laban sa kanya ni Pangusan.
Habang kumakatok umano ang mga otoridad sa pinto ng condo unit ng biktima nang makarinig sila ng malakas na kalabog at nang siyasatin ay doon nakitang nakahandusay at wala ng buhay ang biktima.
Sa pagsisiyasat ng Scene of the Crime Operatives (SOCO), sinasabing ang sanhi ng pagkamatay ng negosyante ay matinding injury sa kanyang ulo at pagkabali ng kaliwang braso.
- Latest