Brgy. Tanod kinatay ng mag-utol

MANILA, Philippines - Tinadtad ng taga ang isang Barangay Tanod nang magkapatid na hinihinalang kaaway nito sa Barangay Tandu-Comot, Mabuhay, Zamboanga Sibugay kamakalawa.

Kinilala ang nasa­wing biktima na si Usman Samson, 42 anyos, aktibong tanod at residente sa lugar habang pinaghahanap na ng pulisya ang mga suspects na sina Ahni Egasan at Assan Egasan.

Ayon kay Police Regional Office 9 Spokesman C/Insp. Ariel Huesca, ang brutal na pagpatay sa biktima ay naganap dakong alas-8 ng umaga.

Bibili lang umano ng isda ang biktima ng big­lang sugurin ng taga ng mga suspects at mabilis na tumakas ng makitang patay na ang biktima.

Ayon sa pulisya, posibleng isang dating alitan ang motibo sa pagpatay sa biktima.