Kelot inutas ng 2 kainuman

MANILA, Philippines - Nakatarak pa sa ka­nang dibdib ang patalim nang madiskubre ang isang bangkay ng lalaki na sinasabing kagagawan ng kanyang da­lawang nakainuman sa Quezon City. kamakalawa ng gabi.

Ang biktima ay nakila­la sa alyas na “Alex Dimple” may-edad na 35-40, may taas na 5’4, may kaitiman ang balat, maikli ang buhok, nakasuot ng itim na t-shirt at kulay brown na short pants.

Nakita ang bangkay ng biktima sa kahabaan ng Commonwealth Ave­nue, malapit sa Commonwealth Market, ganap na alas-7:30 ng gabi.

Isang concerned citi­zen ang nakakita sa biktima habang duguang na­kahandusay sa lugar at agad na ipinabatid ito sa security officer ng palengke na agad namang tumawag ng awtoridad.

Sa follow-up operation ng grupo ni SPO1 Danilo S. Espara ng Batasan Police Station ay nadakip ang dalawang suspek na kinilalang sina Eddie Villanueva, 40 at Bernard Casue, 35; kapwa ng Brgy. Commonwealth.

Lumalabas sa imbesti­gasyon, bago ang insiden­te ay masaya umanong nag-iinuman ang biktima at mga suspek sa loob ng palengke hanggang sa tu­magal ay nagkaroon ng pag­­tatalo.

Sa kainitan ng pagta­talo ay tumakbo umanong papalayo ang biktima pero hinabol pa ito ng mga sus­pek at nang abutan ay sinaksak ito at iniwan pang na­katarak ang pa­talim sa katawan ng bik­tima.

Sa pagsisiyasat ng Scene of the Crime Ope­ra­tions (SOCO) tatlong tama ng saksak mula sa may 10 pulgadang haba ng patalim ang natamo sa katawan ng biktima na siyang agad na ikinamatay nito.