Trike driver utas sa overtake

MANILA, Philippines - Isang 31-anyos na lala­ki na nagmamaneho ng tricycle ang nasawi habang ginagamot sa Divine Grace Medical Center matapos itong mabundol ng isang mo­torsiklo nang mag-over­take sa kahabaan ng Bacao, EPZA Diversion Road Ba­rangay Tejero, General Trias, Cavite.

Ang biktima ay nakila­lang si Brian Leguid, private employee, tubong Butuan City at residente ng Quirino Avenue, Tambo, Parañaque City.

Naaresto ang suspek na si Sherwin Buena, 32, may-asawa, technician, at residente ng Lot 10, Block 17, Phase 2, Pamayanang Maliksi, Brgy. Pasong Ka­wa­yan 2.

Batay sa ulat, dakong alas-6:45 ng gabi ay mina­maneho ng suspek ang kan­yang Honda motorcycle (2603-TC) na kulay pula nang mag-overtake ito sa isang sasakyan sa pakurbang daan at sinakop ang linya ng tricycle ng biktima (7674-NL) at nasalpok ito

Sa lakas ng pagkakabun­dol ay humagis ang biktima at nagtamo ng bali ng leeg.