2 lalaki nagbigti
MANILA, Philippines - Dalawang lalaki ang naiulat na nagbigti sa magkahiwalay na lugar sa Quezon City at Pasig City.
Batay sa ulat ng QCPD, dakong alas-6:45 ng umaga nang matagpuang nakabigti ang biktimang si Francisco Manuel, 61, ng No.16 19th Avenue, Brgy. San Roque sa loob ng kanyang bahay ng pamangkin nitong si Henry Mar Miguel, 38.
Nabatid na si Francisco ay walang trabaho at nakakakain lang kapag binigyan ng kanilang kapitbahay.
Samantala, problemang pinansiyal ang itinuturong dahilan kung bakit nagawa ng
biktimang si Paulito Reyes, 42, miyembro ng Barangay Security Force (BSF) na magpakamatay sa pamamagitan rin nang pagbibigti sa loob ng kanyang inuupahang apartment sa Pasig City kahapon ng alas-4:15 ng madaling-araw.
Ayon sa live-in partner ng biktima na si Pamela Paradillo, 36, na huling nakitang buhay ang biktima dakong alas-10:00 ng gabi kamakalawa habang nakikipag-inuman sa kanyang kapatid na si Enrico Reyes at mga kapitbahay sa harapan ng isang sari-sari store.
Dito umano naidaing ng biktima sa kanyang mga kainuman ang kinakaharap na problemang pinansiyal.
Inihabilin pa umano ng biktima sa kanyang kapatid na alagaan ang kanyang anak na lalaki.
- Latest