Hataw! palo! alas

Unang umarangkada ang basketball, sumunod ang football, at pasunod na rin ang volleyball.

Mission impossible ang hinaharap ng Alas men and women sa 2026 Aichi-Nagoya Asian Games?

Hirap sila kahit sa Southeast Asia. Syempre lalo na kung kaharap ang mga lion at tigre sa Asian continent.

Sana lang, ma-replicate ng men’s and women’s teams ang fighting showing nina Bryan Bagunas at ng kanyang teammates sa 2025 FIVB Men’s World Championship – at mapapaligaya na nila ang Pinoy volleyball fans.

Unang sasalang sina Bella Belen and co. sa ladies volley na set for kickoff bukas sa Okazaki General Gymnasium.

Nai-draw ang Alas women sa Pool B kasama ang China at Kazakhstan. Unang laban nila ang China bukas at kasunod ang Kazakhstan sa Huwebes. Kailangan nilang makalusot at least sa isang laro upang magka-tsansang marating ang quarterfinals.

Kasama ni Belen sa laban sina Shaina Marie Nitura, Ejiya Laure, Julia de Guzman, Angel Canino, Dell Palomata, Alyssa Solomon, Amie Provido, Thea Gagate, Angelique Alba, Ylizyeth Jazareno at Nina Ytang.

Week 2 sasalang sa laban ang Alas men, at haharapin nila ang South Korea, China at Chinese Taipei.

Ipinakita nilang kaya nilang makipagsabayan sa mga higante sa World Championship. At umaasa silang maipakita ang kapareho sa Nagoya.

Kasama ni Bagunas na makikipaghatawan sina Alnakran Abdilla, James Buytrago, Lerry John Francisco, Roniel Rosales, Greg Ancheta, Mike Buddin, Marck Espejo, Jude Garcia, Lloyd Josafat, Joshua Magalaman, Lirick John Mendoza, Leo Ordiales, Rwenzmel Taguibolos, Adrian Villados at Josh Ybanez.

Hataw Alas!