Lady Eagles nadagdagan ang kumpiyansa

MANILA, Philippines — Nadagdagan ng kumpiyansa ang Ateneo Lady Eagles nang pahirapan nila ang nangungunang University of Santo Tomas Golden Tigresses ayon kay team captain Roma Mae Doromal.

Nadapa ang Lady E­agles sa Golden Tigresses ng magharap sa second round pero umabot ito sa limang sets at 13-15 nagkatalo sa deciding frame.

“I’m very happy sa performance ng team,” ani graduating na si Doromal, “Ito na yung nakikita namin sa training na hirap na hirap kami i-apply siya sa game. Pero ito na, ito na yung Ateneo,”

Pagkatapos ng UST ay sunod naman na hinarap ng Katipunan-based squad ang University of the Philippines Lady Marrons at niligwak nila ito sa talong sets lamang, 25-14, 25-20, 25-15.

“Nakita namin after the UST game yung level nga namin, which naka-help talaga sa amin coming into this game,” wika pa ng 23-anyos libero.

Nakatambay sa pang lima sa team standings ang Ateneo kasama ang 3-6 record, malakas pa ang tsansa nilang umusad sa susunod na phase dahil dikit lang sila ng No. 4 na Far Eastern University tangan ang 4-4 card.