Mojdeh, White asam ang SEAG spot
MANILA, Philippines — Pakay nina World Juniors Championships veterans Micaela Jasmine Mojdeh at Heather White na masungkit ang silya sa 2025 Southeast Asian Games na idaraos sa Bangkok, Thailand.
Galing sina Mojdeh at White sa kampanya sa katatapos lamang na 2024 Asian Age Group Swimming Championships sa New Clark City sa Capas, Tarlac.
Parehong nakasungkit ng tansong medalya sina Mojdeh at White sa Asian meet.
“Yung target talaga namin makapasok sa SEA Games next year sa Thailand. That’s why we’re really working hard, training hard to ensure that we are in perfect condition,” ani Mojdeh.
Magdaraos ng tryouts para sa Thailand SEA Games sa Agosto upang mabigyan ng pagkakataon ang mga swimmers na magkwalipika.
Nakasungkit si Mojdeh ng tanso sa girls 15-17 200m butterfly event matapos magtala ng 1:21.87.
Nagparamdam din si White nang umanit ito ng dalawang tanso sa 100m freestyle (57.86) at 100m butterfly (1:03.09) events.
“I’m trying to aim for the SEA Games and I know that the Philippines has a SEA Games qualifier in August so for the next couple of months I’m going to be training really hard for that,” ani White.
- Latest
