Harvey Carey nagretiro
MANILA, Philippines — Matapos ang makulay na 17 taon, nagretiro na sa PBA ang 41-anyos veteran na si Harvey Carey na inanunsiyo ng TNT Tropang Giga kahapon.
Napili bilang 4th overall pick si Harvey ng TNT noong 2003 at naging bahagi ng lahat ng pitong kampeonato ng koponan kung saan siya nanatili sa kanyang buong PBA career.
Ang 17 seasons ni Carey sa TNT ang ikalawa sa pinakamatagal na playing career sa iisang koponan lamang katabla si Alvin Patrimonio ng Purefoods, ayon kay chief PBA statistician Fidel Mangonon. Si Mark Caguioa lamang ng Ginebra ang nakalagpas sa kanila bilang longest-tenured player sa iisang team sa loob ng 18 seasons.
Bukod sa pitong kampeonato, miyembro rin si Carey ng PBA Mythical Second Team noong 2003 at All-Defensive Team noong 2007.
Nauna nang nagretiro sina PJ Simon ng Magnolia at Cyrus Baguio ng NLEX.
- Latest