Doble panalo si Kalei Mau

MANILA, Philippines — Doble ang selebrasyon ngayon ni Filipino-Hawaiin skipper Kalei Mau sa pagtatapos ng All-Filipino Conference ng 2019 Philippine Superliga.

Bukod sa pag-angkin ng kanyang tropa na F2 Logistics Cargo Movers sa titulo ng All-Filipino tourney na ito, naiuwi rin niya ang Most Valuable Player (MVP) at Best Scorer award ngayong conference

“I didn’t even think about it, honestly. My teammates were joking about it earlier. Like, you know. So, I really wanted to just focus on the task at hand,” sabi ni Mau na humataw din ng 19 points sa Game 2 ng Finals noong Martes. “Everything that I got afterwards, you know, it just all falls into place and it makes me feel so happy.”

Inungusan ni Mau para sa pinakamataas na kara-ngalan na ito sina Sisi Rondina ng Petron Blaze Spi-kers at sina Jaja Santiago at Dindin Santiago-Manabat ng Foton Tornadoes. Siya rin ang ikaapat na manlalaro mula sa F2 Logistics na pinangalanang MVP, na unang nadagit ni Dawn Macandili sa 2016 All-Filipino, MJ Perez noong 2017 Grand Prix at Ara Galang noong 2018 Invitational.

Malaki rin ang pasasalamat ng dating Arizona State open spiker sa tiwala at suportang ibinigay sa kanya ng kanyang ama at lola na lumipad pa pa-Maynila mula Hawaii para lang sa kanya.

“My grandma and my dad, they mean so much to me. They wanted to come here and share this expe-rience with me and it’s important that I went over there and show my Aloha and my love and my appreciation to them,” dagdag niya.

Kinilala rin ang ilang manlalaro gaya nina Rachel Ann Daquis ng Cignal bilang 1st Best Outside Spiker, Sisi Rondina ng Petron na naiuwi ang  2nd Best Outside Spiker plum, Jaja Santiago ng Foton na nakuha ang 1st Best Middle Blocker at 2nd Best Middle Blocker naman si Majoy Baron ng F2.

Si Cignal setter Alohi Robins-Hardy ang Best Setter award, Best Opposite Spiker naman ang binigay kay Dindin Santiago-Manabat ng Foton at si Jheck Dionela naman ng Cignal ang Best Libero.