Antibay ni Thurman

MANILA, Philippines — May itinatago ring la­kas si Keith Thurman na mas maraming tumamang suntok kumpara kay eight division world champion Manny Pacquiao sa kanilang bakba­kan kahapon sa MGM Grand Garden Arena sa Las Vegas, Nevada.

Kumunekta si Thurman ng 210 suntok mula sa 571 kabuuang suntok na pinakawalan nito.

Sa kabilang banda, mayroong naikonektang 195 suntok si Pacquiao sa kanyang 686 suntok na bi­nitawan.

Ito ang pinakamara-ming pinakawalang suntok ni Pacquiao sapul no­ong 2013 nang magtala ito ng 790 punches tampok ang 281 na tumama kay Brandon Rios.

Lamang din si Thurman sa power punches ta­ngan ang 192 out of 443 para sa matikas na 43.2 porsiyento habang na­kakuha lamang si Pacquiao ng 113 out of 340 para sa 33.2 percentage.

“Hindi ako nagkumpiyansa after ng first round. He’s a good fighter,” ani Pacquiao.