May ilalabas pa ang Cafe France
MANILA, Philippines – Marami pang ilalabas ang CafeFrance ayon kay coach Egay Macaraya matapos ang kanilang 89-65 season-opening win laban sa Mindanao Aguilas sa 2016 PBA D-League Aspirants’ Cup.
“Gustong maging agresibo ng lahat kaya na-ging out of control,” sabi ni Macaraya sa naitalang 13 turnovers ng kanyang Bakers sa first quarter. “Hopefully, maka-adjust kami since first game pa lang naman.”
Kumpiyansa si Macaraya na maitatala ng CafeFrance ang kanilang ikalawang sunod na panalo sa pagharap sa BDO-NU ngayong alas-2 ng hapon kasunod ang bakbakan ng Wangs Basketball at Aguilas sa alas-4 sa Ynares Sports Arena sa Pasig City.
Muling ipaparada ng Bakers ang kanilang mga veterans at rookies mula sa CEU Scorpions laban sa Bulldogs.
“Medyo mahirap lang kasi combined yung team with the old players and the new ones. Dahil dun kaya di pa kami masyadong buo,” ani Macaraya.
- Latest
