Grand Slam puntirya ng Perpetual Junior Altas

MANILA, Philippines – Ilang araw matapos angkinin ang kanilang ikalawang sunod na NC­AA juniors title, naka­tutok kaagad ang Perpe­tual Help sa kanilang ‘Grand Slam’.

“That will be our next goal, to win a third straight championship,” wika ni Perpetual Help coach Sandy Rieta, iginiya ang Junior Atlas sa pagwalis sa Emilio Aguinaldo Brigadiers sa 81st NCAA junior volleyball championship se­ries.

Nagbida sina team cap­tain Jody Margaux Se­vero at Darwin John Salaposo sa 25-21, 22-25, 19-25, 25-16, 15-11 panalo ng Perpetual Help laban sa EAC sa The Arena sa San Juan Ci­ty.

“The boys showed heart. We were down but they never panicked and adjusted well,” wika ni Rieta.

Ito ang pang-walong NCAA title ng Junior Altas sa ilalim ng  league-best na 15 crowns ng San Sebastian Junior Stags.

“We’re proud of what the team has accom­plished,” ani Per­petual Help Policy Board member Anthony Tamayo.

Abot-kamay na ng Per­petual Help ang pag­walis sa elimination round, ngunit ipinagkait ito sa kanila ng EAC.

Pinadapa ng Junior Altas ang Brigadiers sa kanilang playoff para sa No. 1 spot at binigo ang San Beda Red Cubs sa five sets sa Final Four.

Winalis ng Perpetual Help ang EAC, 2-0, sa ka­nilang title series.

“It doesn’t matter if it’s a sweep or not. We just want to win the championship,” sabi pa ni Rieta.