Tautuaa, Rosario problema ni Uichico
MANILA, Philippines - Aminado si Talk ‘N Text coach Jong Uichico na hindi pa niya alam kung saang posisyon ilalagay sina No. 1 overall pick Moala Tautuaa at No. 2 selection Troy Rosario.
“Ako ang nangangapa sa kanila, sila ang nanga-ngapa sa akin,” sabi ni Uichico kina Tautuaa at Rosario, naging miyembro ng Gilas Pilipinas 3.0. “I’m just trying to know where I can use them and them trying to understand how I want to use them.”
Sa talento ng 6-foot-7 na si Tautuaa at sa husay ng 6’6 na si Rosario ay talagang sasakit ang ulo ni Uichico.
Kumamada sina Tautuaa at Rosario ng 18 at 14 points, ayon sa pagkakasunod, para ihatid ang Tropang Texters sa 105-91 panalo laban sa Meralco Bolts sa 2015 PBA Philippine Cup kagabi sa Philsports Arena sa Pasig City.
Kumolekta si Matt Ganuelas-Rosser ng 19 points at 6 rebounds at nagdagdag si Jayson Castro ng 15 markers para sa ikalawang sunod na ratsada ng Talk ‘N Text.
“We should play better than the last two games, and I think we did,” sabi ni Uichico. “Generally from our last two games maganda ‘yung inilaro namin.”
TALK ‘N TEXT 105 - Rosser 19, Tautuaa 18, Castro 15, Rosario 14, Fonacier 9, Reyes 9, Carey 8, Miranda 4, Seigle 4, Aban 3, Rodriguez 2, Reyes 0
Meralco 91 - Al-Hussaini 16, David 13, Hodge 13, Newsome 13, Dillinger 11, Amer 8, Nabong 6, Alapag 4, Sedurifa 4, Faundo 2, Guevarra 1, Hugnatan 0.
Quarterscores: 33-17; 60-38; 88-64; 105-91.
- Latest