‘Di pa rin susuko ang Azkals

BANGKOK – Bagama’t kinapos na naman ang Philippine Azkals sa kanilang pangarap, hindi ito magiging dahilan para sila ay sumuko.

 “I don’t know if I could say that I’m getting used to it (mabigo) but really, a loss is always painful and especially this one because I know we could have gotten it (AFF Suzuki Cup finals) if we just kept our composure,” sabi ni Azkals team manager Dan Palami matapos ang ikatlong sunod na pagkaunsiyami ng Phl XI sa AFF Suzuki Cup semifinals nitong Miyerkules kontra sa Thailand.

Nahirapan ang mga Pinoy booters na tapatan ang performance ng War Elephants matapos yumukod sa 0-3 bagama’t nangangailangan lamang ng scoring draw para talunin ang Thailand upang makapasok sa unang pagkakataon sa finals ng torneo.

Bukod sa mahusay na paglalaro ng mga Thais, nakadagdag pa sa Azkals ang sinasabi nilang “unfavorable calls” laban sa kanila.

Labis na binatikos ng mga Pinoy booters ang corner kick na ibinigay sa kalaban na nagbunga ng opening goal ni Chanatip “Messi-J” Songkrasin.

 “There were some dubious calls from the referee but you can’t blame him. At the end of the day, we create our own chances or lack of it and that’s how it is. Now you go back to the drawing board and ask yourself how can you get over this next barrier?” sabi ni Palami.

“For a long time, the Philippines was not able to join the final group stages. We broke that barrier in 2010. From 2010 to 2014 we couldn’t break the barrier of getting past the semifinals so that’s the next step, making sure we do that,” dagdag pa niya.

Sa susunod, di dapat mawala sa diskarte ang Azkals kung masama ang tawag laban sa kanila.