Hayward nakipagkasundo ng offer sheet sa hornets

MANILA, Philippines - Pumayag si restricted free agent Gordon Hayward sa isang four-year, $63 million maximum contract offer sheet na inilatag ng Charlotte Hornets, sabi ng league sources sa Yahoo Sports.

Ang player option para sa ikaapat na taon ng kontrata at 15 percent trade kicker ang inaasahang isasama sa offer sheet.

Ito ang ikukunsiderang insentibo para hindi mapantayan ng Jazz ang nasabing offer sheet ng Hornet.

Ngunit iginiit ng mga Utah officials na tatapatan nila ang anumang offer sheet para kay Hayward – kasama dito ang isang maximum offer.

Nakikipag-usap naman ang Charlotte kay free agent Marvin Williams para palitan si Josh McRoberts sa power forward spot, ngunit hindi pa ito gagalaw habang hinihintay na tapatan ito ng Utah.

Pipirmahan ng 24-anyos na si Hayward ang offer sheet sa pagwawakas ng free-agent moratorium sa Huwebes.

Stauskas pumirma sa Sacramento

SACRAMENTO, Calif. -- Pinalagda ng Sacramento Kings si first-round pick Nik Stauskas (STOUS-kiss) sa kanyang rookie contract.

Ito ang inihayag ni Kings general manager Pete D’Alessandro.

Hinugot ng Sacramento si Stauskas ng Michigan bilang eighth overall pick sa NBA Draft.

Hindi binanggit ang detalye ng naturang kontrata.