Cruz sinibak ng Aussie netter
MANILA, Philippines - Isa na namang local bet ang sinibak ng Australian na si Maddison Ing-lis nang kanyang igupo si Monica Therese Cruz, 6-2, 6-1 sa ikalawang araw ng 25th Mitsubishi International Junior Championships sa Rizal Tennis Center kahapon.
Dinomina ng 13th-ranked na si Inglis si Cruz, na naka-bye sa opening round sa kabuuan ng laban para sumulong sa susunod na round ng girls’ category.
Marami namang nasilat sa boys’ division nang limang seeded players ang napatalsik sa torneo kabilang si No. 2 Ken Onishi ng Japan na lumasap ng 6-4, 6-1 pagkatalo kay Mandresy Rakotomala ng France.
Talsik din sina No. 12 Lin Wei De at No. 16 Lo Chien Hsun ng Chinese Taipei, No. 11 Alexander Klintcharov ng New Zealand at No. 13 Daniel Nolan ng Australia.
- Latest
