Maganda pa rin ang diskarte ni Raquel
MANILA, Philippines - Nagpatuloy ang magandang diskarte ni Fernando Raquel Jr. nang manalo pa ang Tigerous Sword noong Martes ng gabi sa San Lazaro Leisure Park sa Carmona, Cavite.
Isang 3-YO Special Handicap race ang karera sa distansyang 1,300-metro at hindi napaboran ang tambalan dahil sa paglahok ng Appointment, Torn Bet Twolovers at Queen Ramfire na siyang napusuan ng bayang karerista.
Pero mas kondisyon ang TigeÂrous Sword upang makapanorpresa at makapaghatid ng saya sa mga dehaÂdista na tumungo sa pistang pag-aari ng Manila Jockey Club.
Nasa labas ang kabayo ni Raquel para tuhugin na ang liderato sa huling 100-metro habang ang Torn Bet Twolovers ang siyang nakakuha pa sa ikalawang puwesto.
Ang Appointment na hawak ni Jonathan Hernandez ay nahuli ng pagremate para malagay sa ikatlong puwesto bago tumawid ang naubos na Queen Ramfire.
Maganda pa ang dibidendo sa di inaasahang pagkapanalo ng Tigerous Sword dahil nasa P92.00 ang ibinigay sa win habang ang 6-3 forecast ay naghatid ng P76.50 dibidendo. (AT)
- Latest
