Paras, Magsanoc nominado sa PBA Hall of Fame

MANILA, Philippines - Pangungunahan nina two-time MVP awardee Benjie Paras at ng kanyang partner na si  Ronnie Magsanoc ang pitong persona-lidad na nominadong ma-ging bahagi ng ikalimang batch ng mga iluluklok sa  PBA Hall of Fame.

Sa meeting kahapon, ni-nominate din ng PBA Hall of Fame selection/nomination committee sina dating Rookie of the Year awardee Arnie Tuadles, Lim Eng Beng, import Sean Chambers, coach Ed Ocampo, refe-ree Egmidio Cahanding, longtime league board member Elmer Yanga at media man Fred Luarca.

Ang STAR columnist na si Joaquin Henson ang chairman ng selection/nomination committee na kinabibilangan nina PBA officials Rickie Santos at Willie Marcial, PBA Press Corps president Musong Castillo, Magsanoc ng TV5, sports co-lumnist Dennis Principe at Paras na kumakatawan ng PBA players.

Ang mga nominees ay dadaan sa screening ng mga honors committee bago mapasama sa Hall of Fame.

Ang induction ng susunod na batch ng PBA Hall of Fame ay posibleng sa opening ng susunod na season o magkakaroon ng hiwalay na event bago ang opening.

May kabuuang 36 individuals na sa apat na batch ang nailuklok sa Hall of Fame, kabilang ang 12-katao nang una itong ilunsad noong 2005.

Ang first batch ay sina Robert Jaworski, Ramon Fernandez, Atoy Co, Phi-lip Cezar, Bogs Adornado, Francis Arnaiz, Baby Dalupan, Leo Prieto, Emerson Coseteng, Rudy Salud, Danny Floro at Joe Cantada.

Sinundan ito nina Abet Guidaben, Manny Paner, Danny Florencio, Norman Black, Ron Jacobs, Domingo Itchon, Danding Cojuangco, Dante Silverio, Tony Siddayao at Pinggoy Pengson noong 2007.

Ang ikatlong batch ay sina Bobby Parks, Allan Caidic, Samboy Lim, Hector Calma, Ricky Brown, Honeyboy Palanca at Jun Bernardino noong 2009.

At ang fourth batch ay sina Alvin Patrimonio, Billy Ray Bates, Freddie Hubalde, Tommy Manotoc, Tito Eduque, Mariano Yenko at Bobong Velez. noong 2011.