Panalo ng Azkals vs HK nagkaroon ng batuhan
MANILA, Philippines - Isang 1-0 panalo ang ipinoste ng Philippine Azkals laban sa host Hong Kong sa isang international friendly match na hindi naging maayos ang pagtatapos nang batuhin at buskahin ng mga Hong Kong supporters ang mga Azkals at mga Filipino fans sa Mong Kok Stadium.
Si James Younghusband ang nagsalpak ng game-winner, habang naging matibay ang depensa ni goalkeeper Neil Etheridge para sa tagumpay ng Azkals kontra sa Hong Kong.
Ito ang unang panalo ng mga Pinoy laban sa Hong Kong matapos ang pitong sunod na kabiguan.
Nagtabla sa 3-3 ang Azkals at ang Hong Kong sa kanilang huling pagkikita sa 2011 Long Teng Cup.
Matapos ang laro, inulan naman ng mga saksi ang social media sa pag-uulat na ilang Hong Kong supporters ang naghagis ng bote ng mineral water sa mga Filipino fans at maging sa mga Azkals players.
“They threw trash at us and the players, shouted obscenities at the Pinoy crowd that was mostly women and youngsters, called us a slave nation,†ipinoste ni Ida Torres, nanood sa venue, sa kanyang Twitter account.
“At the end of the game, there were ugly scenes when the Philippines side tried to celebrate with their fans and were subjected to such abuse – verbal, gestures and physical – as they were pelted with bottles and other objects,†wika naman ng isang Englishman sa panayam ng South China Morning Post.
Inaasahang makakarating ang insidente sa International Football Federation (FIFA) at sa Asian Football Federation (AFF).
- Latest
